Javascript DHTML Drop Down Menu Powered by dhtml-menu-builder.com



من المجتمع: "صبحية نسوان" .... الجزء الاخير


خليل بواب :: 2013-02-20 [01:48]::
بصباح اليوم الثاني راحوا سوى فتني ونيقه عند زني وصلوا على البنايه لساكنه فيها زني طلعت الكهرباء مقطوعه وهي ساكنه بالطابق الثالث !!
نيقه… يا ألله على هل العلقه هلء بدنا نترقها مشي على الدرج صدقيني يا فتني لولا الكنافه كنت رجعت.
فتني… انا بعرفها وبعرف عمايلها هيدي زني والأجر على الله هي الملعوني أصدها تعملها فينا لأنها عارفي اليوم الصبح في تقنين وقامت عزمتنا ، بس بالنكاوي فيها رح نطلع عل الدرج ، على الدرج إتكلي ع ألله.
هني وطلعين صاروا يتحدثوا ويتسلوا بالحكي وبالإستغابه على زني وغيرها.
نيقه… بدك تكون عازمي جارتها ( طني ) بتكون كارثه والصبحيه بتطلع سئيلي متل خلقتهن الجوز .
فتني… بتعملها بدك تقوليلي عن حركاتها هي بتعرفنا ما منطيق طني عشان هيك بتعزمها لتنكينا بس بالنكواي فيها رح نكون بالصبحيه .
نيقه… ما أصلا هيني طنجره ولقت غطاها.
فتني… لا يا عيني كلها مصالح من مده شلخوا بعض وصلت لحدا عشان الست زني كايني قايلي إنو طني وزنها صاير 79 كيلو طلعت بلا عقل طني كيف بتقول هيك إعتبرتها إهاني لأنو وزنها بعمره ما وصل ل 79 كيلو وجابت الميزان إدام كل الجيران وحطت على عينها وفرجت الكل انو وزنها بس 78 كيلو لا غير .
نيقه… لعمى بقلبها وقفت القصه على 1كيلو كيف لو أكتر.
فتني… هلكت بهل الطلعه ما إلي بالعادي ختيرنا.
نيقه… لك يا فتني شايفي في باب هون وين صرنا.
فتني… يا مشحرة يا فتي هيدا باب سطح البنايه طلعنا عل العاشر(10) روحي الله يهدك يا نيقه من كتر ما بتحكي ضيعتينا وتشخرنا ، أخ تكسروا رجليي
نيقه… شايفيتلك هل النهار نحس.
فتنى… نحس نحس بدي أكل كنافه diet وفقع زني . رجعوا نزلوا عل الدرج وما حكوا مع بعض ولا كلمه أحسن ما يرجعوا يلتهوا ويضيعوا بيت زني ....
وصلوا بالسلامه ودقوا عل الباب ، سمعوا زني عم بتقول لخادمتها افتحي الباب يا ( كوساية).
فتني… بدل ما هي تقوم وتفتحلنا قالت للخادمه بسيطه على كل حال .
فتحت الباب كوسايي ودخلوا.
زني… يا أهلا وسهلا بأعز الحبايب شرفتوني وتشرف داري وارتفع مقداري بحضوركن ، جيتوا بوقتكن فرفح قلبي هلء وصلت الكنافه بعدها سخنه بتحبوا تشربوا قهوي او منبليش بالكنافه.
فتني… والله بهل الطلعه والنزله حرقت كتير جوعاني خلينا نتروق على بكير.
زني… يا كوساية حضري صانية الفضه لجابلي هي إبن خالي من أذربيجان وحضري الملاعق والشوك الذهب لجابتهم أختي من تركمانستان والصحون الي هداني هني ابن خيي من باكستان والسكينه الي من الشيشان وماتنسي المحارم الي من أفغانستان يلا لشوف وليه .
دق الباب إجيت ( طني ) وجايبي معها أختها ( رني ).
زني …اهلين بأحلى حبيبتين . نيقه… شو هل الصدف الحلوي بنات حلال بعدني أنا وفتني عم نقول ياريت بيكونوا معزومين طني ورني لتكمل الصبحيه.
فتني… يا حبيبات قلبي شو بدي سلم عليكن عل الناشف تعوا لحضني ولبوسكن كتير إشتقتلكن.
جابت كوسايي الكنافه وأكلوا وشبعوا بطن مليان كيف تمام.
فتني…قبل ما إنسى نكدي بتعتذر زي العاده مشاكل مع زوجها من كتر نكدها وبتقولكن بكره الصبحيه عندها وفي شي طيب . وكملت حدثيها
وسألة طني ورني ، شو الكريمات لبتسعملوا لوجهوكن ؟
طني ورني … نحنا ما نستعمل شي.
فتني... شو هل الحكي عيب عليكن تكذبوا لما بوستكن قرفتوني حياتي من كتر ما مارغين حالكن بكريمات شو كأنكن جايبينهم عن البسطه مسترخصين عم تستعملوا كريمات تقليد .
طني… انت وحدي شرشوحه وشحادي وما بتفهمي.
رني... والله عشنا وشفنا لعبيد بيتكبروا على الأسياد انت وحدي توت توت توت وزي زي زي يا تي تي تفو ، حدى بيإلك رني بطلت تسكوت وما عرفوا كيف يطفوها ويهدوها وبطلوع الروح سكتوها . }}}}
مرت الايام وماتت نكدي وصاروا النسوان يعملوا الصبحيه على قبرها إكراماً لذكراها، ودارت الأيام وختيروا النسوان وصاروا يعملوا الصبحيات على السكايب ( skype ) وبعد مدى ماتوا النسوان وورثوا الصبحيات للبنات .....
..... وستبقى الصبحيات الى حين فناء جنس النسوان .


New Page 1