بدعي إلك يا صور ، يا صور منصورة!............... بقلم الأستاذ عدنان ح. أبو خليل
الشمس والهواء والنور بارجائك منشورة
حبات رملك حروف نور بالكتب مذكورة
كل حبة حكاية مجد بعقولنا محفورة
البحر قدامك يطول وشواطئ منثورة
انت اللحن للعود ، تاريخك أسطورة
بدعي إلك وبقول: بحبك ذنوبنا مغفورة
بدعي إلك يا صور بحبك قلوبنا مغمورة
بدعي إلك يا صور ، يا صور منصورة.
بدر ينور عالكون و الكواكب مقهورة
بتزين الحاضر ، وبجمالها مسحورة
تاريخك الماضي بالحجارة محفوظة
مهما الزمان يدور تبقي بالعز ممهورة
مهما العذاب يطول بقلوبنا مغمورة
عدد انفاسي تكون لاجلك منذورة
بدعي إلك وبقول : يا صور منصورة!
