فكر فيهم (كل اللي بتحبهم) لما تسوق!........................ بقلم الأستاذ عدنان ح. أبو خليل
تاريخ النشر : 08-07-2019
فكر فيهم (كل اللي بتحبهم) لما تسوق!

ألجم غضبك وأركب فرسك
وشق طريقك فوق نجوم بلادك بأدبك
أخلاقك وعلمك هني عزك ، هني فخرك وهني شرفك
فكر فيهم... فكر فيهم لما تسوق !

حضن امك
ضحكتك بيك
فرحة إبنك والا خيك
فكر فيهم لما تسوق
الموت بسرعة منشان السرعة
مش هو قدرك ومكتوب

فكر فيهم لما تسوق
انت بقلبهم ... انت الروح
شو بيصيبهم لما تروح
فكر فيهم لما تسوق
الموت بسرعة منشان السرعة
مش هو قدرك ومكتوب


أم بلوعة بتصرخ ، بي بغضب بينادي
الله يرحمهم بالجنة اولادي
صرخة تدوي بقوة بقلب الوادي
صورة ما بتمحي لحظة من بالي
فكر فيهم ( كل اللي بتحبهم) لما تسوق
الموت بسرعة منشان السرعة
مش هو قدرك ومكتوب

هدي من روعك ، الله الهادي
روق من طبعك ، وقول بلادي
خلي الكل بجنبك ، وبإسمك بفرحة ينادي
أم بتصرخ ، بي بينادي
صرخة تدوي بقلب الوادي
صورة ما بتمحي من بالي
فكر فيهم ( كل اللي بتحبهم ) لما تسوق
الموت بسرعة منشان السرعة
مش هو قدرك ومكتوب

أنت شاب وأمل بلادي الموعود
ألجم غضبك ، وأركب فرسك
وشق طريقك فوق نجوم بلادك بأدبك
باخلاقك وعلمك هني عزك ، هني فخرك وهني شرفك
الموت بسرعة منشان السرعة
مش هو قدرك ومكتوب !

فكر فيهم (كل اللي بتحبهم) لما تسوق !

بقلم الأستاذ عدنان ح. أبو خليل

   

اخر الاخبار