فكر نفط وغاز .. ما جاية بكرا ؟!...بقلم الأستاذ عدنان ح. أبو خليل
تاريخ النشر : 16-07-2019
قالوا عنك المحروم
واللي صعب عليك ، علينا يهون
خطفوا حلمك ، وسرقوا اللي باقي بجيبك
وقالوا عنك وحدك المسؤول
مش شايف بدربك الا بحر هموم
آه يا لبناني شو مظلوم

الشعب كله صار بدو السترا
ما عاد عنده صبر وقدرة
ما عاد إله الا العذرا
يصلي ويدعي ليجي بكرا

قالوا بكرا مش راح تلاقي بطريقك حفرة
وليالي العتمة راح تصير ماضي وذكرى
بدها شوية صبر ، ومعها زيارة وعمرة
وطول بالك بس لحتى يجي بكرا
وفكر نفط وغاز... أنسى الماضي ، ما جاية بكرا

قالوا عنك شو إنك مهضوم
ونظروا بعينك بالمقلوب
وقالوا عنك شو إنك مهزوم
لما سألتهم عن إسم الشخص المسؤول ؟
حبيبي طول بالك لحتى يجي بكرا
وفكر بس نفط وغاز ، ما جاية بكرا
آه يا لبناني شو إنك مظلوم

جابوك لعند القاضي وكشفوا سجلك الماضي
حكم القاضي بحبسك لتصير مسؤول
لأن ذنبك بالسابق مش مسجون
هيدا العدل اللي مش مفهوم
وحكم القاضي وزاد:
طول بالك بس لحتى يجي بكرا
أنسى الماضي (نفط وغاز) وفكر ببكرا
وكل شي من حولك بيصير مفهوم !

   

اخر الاخبار