أسأل عنه لما بتسأل أكتر !...بقلم الأستاذ عدنان ح. أبو خليل
تاريخ النشر : 29-07-2019
أسأل عنه لما بتسأل أكتر !

أسأل عن الوطن الغالي لما بتسأل أكتر
مش كافي تقول عنه الوطن الأجمل
وتقدم له ، ومش دايما تأخذ منه اكتر
أرحم ضعفه ، وكتر همه وقلة حيلته
هو اليوم بحاجة لتوقف بجنبه اكتر
وتعيد له مجده وتحسن صورته
لتصير الدمعة بعينه هي الأصغر
والفرحة بقلبه بحجمها هي الأكبر
ويحس بهالدنيا انه بحق الأجمل
أسأل عن الوطن الغالي لما بتسأل أكتر !

الموعد مر وصار له سنين
ناطر يسمع صوتك ، وإسمك تعيد
لما تدق بابه وتقول له أنت مين ؟
ويضمك بحضنه وينسى للحظة حزنه
الوطن الغالي قسى الزمن عليه كتير
وعدك تضخي وتصبر معه بيبقى حلمه الأكبر

الوطن الغالي عن اولاده واحبابه بيسأل
ومتل النجم العالي بضوه بيسرح
فوق الكون العامر
ليذكرنا بأنه شامخ ، وبعنفوانه باقي وصامد !

أسأل عن الوطن الغالي حتى يسأل
أسأل عنه لما بتسأل أكتر !

   

اخر الاخبار