عندما تحول الأم الضعف الى قوة وتكون سنداً لابنها: 'علي' نجح في الاستثنائية بعدما أحدثت أمه ضجة عندما كتبت: ابني ما توفق ع علامة بس بنظري ناجح، الفشل الخطوة الأولى نحو النجاح

تاريخ النشر : 31-07-2019

بفضل دعم أمه واصرارها على تشجيعه ومتابعته لدروسه، نجح الطالب علي غالب مازن البيروتي في امتحانات الشهادة المتوسطة للدورة الثانية 2019.

من مجموعة يا صور، الف مبروك...

هذا وكان يا صور قد نشر الخبر التالي سابقاً:

على صفحتها على موقع التواصل الاجتماعي "فيسبوك"، نشرت السيدة نهاية حمود منشوراً ملفتاً لأم لم ينجح ابنها "علي" في امتحانات الشهادة المتوسطة البريفيه 2019، فقالت:

"انت ناجح بنظري ♥
الفشل هو الخطوة الأولى نحو النجاح وليس نهاية الطريق بل هو البداية دائمًا ..
اول شي حابه بارك لكل ل نجحوا ومن قلبي فرحتلن
وتاني شي بدي اتشكر كل مين سألني عن ابني .. ابني ما توفق بالامتحانات وما بدي قول ابني نظلم بس بدي قول ابني درس وتعب وسهر وما قصر عمل ل عليه وما توفق وسقط على علامة (يمكن هون في ظلم) .. واكيد مش نهاية الحياة بالعكس هلأ بلش .. الطريق بعد طويله ادامه ..
بتمنى من كل اهالي الولاد ل سقطو يرفعو من معنويات ولادن بالنهاية كلنا عنا قدرات معينه .. وهياهن ل معن شهادات الن سنين معلقينن بالبيت عالحيط وما عم يلاقو اي وظيفه .. والحياة ماشيه ما بتوقف بمحل .. اكيد انا بدعم ابني وبقويه وبعرف انو ابني قادر ينحج وبتقدير انشالله الله بعوض عليه بالقادم ..
وبس حابي وجه تحيه للوزير واسألو شو كان عم يحس لما طلع نتيجه ساعة تنتين بالليل ما فكر انو اذا ولد نام زعلان ممكن يصير معو شي هوي نايم حتى بهيك فشلت بتوقيتك لاعلان النتيجه ..
ومنيح نقضت بولدين لهلأ واحد قوص حاله والتاني سمم حاله الله يشفيهن ويصبر اهلن ويعوض عليهن بالاحسن"