طموح المرأة اللبنانية: الصبايا المحجبات 'كوثر ورباب وغادة' أسسن ورشتهن للنجارة، مقدح ومنشر، رفوف ودهان: 'من قال نفوت بس المجالات اللي ما بدها جهد جسدي؟'!!
المصدر : رصـد يـا صــور
المصدر : رصـد يـا صــور
تاريخ النشر : 18-09-2019
على صفحتها على موقع التواصل الاجتماعي "فيسبوك"، نشرت كوثر سبيتي الصور التالية مرفقة بالتعليق:

بآخر تلات شهور شْتَغلنا بأكتر أنواع الحِرَف يلّي بقولو عنها صعبة ومحصورة بالشباب بس شتغلنا بالنجاة جبنا خشب ومنشر ونَشَرنا وقصّينا وعملنا طاولات وستاند ورفوف وغيرو، شتغلنا بالدهان، وتعلّمنا الخطوات الصحيحة والمواد المظبوطة لدهن الخشب. كانت اول مرّة منستعمل كتير من الادوات الكهربائية متل المقدح والمنشر وغيرو.

نحنا تلات بنات كل تفصيل من أصغر مسمار ندق بالحيط شتغلنا بإيدينا، وأخد معنا شغل ووقت وتعب، بس ولا مرة حسّينا إنو مُمكن في شي يِصْعب علينا.

وبعد في ناس بتقول البنت ما فيها تفوت بكل المجالات او مجالاتها محصورة بكم اختصاص ما بدّو جهد جسدي، أكيد مْبَلا فيها تشتغل بكل المجالات لي بتحبن حتى لو فيها جهد جسدي، أكيد هي قَدها وقْدود وزيادة

وأكيد أكيد ما سلمنا من نظرات العالم الغريبة هنّي ورايحين وجايين وعم يشوفوا تلات صبايا عم يشتغلوا هيك شغل

   

اخر الاخبار