الأحد 06 تموز 2025 الموافق 11 محرم 1447
آخر الأخبار

وين اللي سرقوا من حولي حلمي؟ ................ بقلم الأستاذ عدنان ح. أبو خليل

وين اللي سرقوا من حولي حلمي ؟

شفت الدنيا فجأة عتمة
لما شفت ناس بفقر وناس بتخمة
ضاعت مني حتى البسمة
صدري ضاق وصرت أتمنى من حولي النسمة
وأركض حتى لاقي بقعر البحر النعمة
واين العدل، وين الصحبة ووين الحكمة ؟

خايف قلبي أنه يقسى
يبعد عنك لحظة ويسهى
خلي ببالك أوعى تنسى
شو هالدنيا كلها بتسوى
لما يضيع الوطن ، يطير ويفنى ؟
خايف قلبي أنه يقسى !

حامل أمانة ربي
وأنت المسؤول بأمري
مفتون بحبي وحامل همي
قللي بالله شو هو ذنبي ؟
لتسرق من حولي حلمي
وتهرب من دربي وتحمي
كل إللي سرقوا حلمي

الشعب الطيب حامل حمل جبال
قضى عمره ناطر راحة البال
سرقوا من حوله حلمه قبل ما ينام
مرة بإسم الدين ، ومرة بإسم العدل
ونسيوا يقولوا ديما بإسم المال
وين كل اللي سرقوا من حول شعبي وحولي حلمي ؟

بقلم الأستاذ عدنان ح. أبو خليل
تم نسخ الرابط