قالولي إنك بحينا عامل مختار........... بقلم الأستاذ عدنان ح. أبو خليل
تاريخ النشر : 08-10-2019
قالولي إنك بحينا عامل مختار
برأسك ريشة بيضا ليل نهار
عنوانها حب وأمانة وإصرار
على حقوق ابن البلد الصامد الجبار
وعلى مصير الوطن قلبك بيخاف وبتغار

قالولي إنك عامل مختار
طيب بسيط ومغوار
بتلبق لك يا إبن الجار
ومن حولك الأحباء كتار

قالولي إنك عامل مختار
وبوسط الساحة شعلة من نار
اركيلة معسله وفحمة للجار
جمعة من الصحبة واهل الدار
منهم كبار ومنهم صغار
والكل بضيافة المختار
وحسن الواجب هو المعيار
والكل يحيي حبيب الحي المختار

قالولي بحينا عامل مختار
بتحلى الجلسة بجد بعد نشرة الأخبار
بكلمة وحكمة ومعها بسمة من المختار
عاللي صار ، وصاير وبدو يصير
حديث الساعة والبوصلة الليلة عالدولار
الراي الأول محفوظ ديما للمختار
الحجر محله قنطار بيختم حديثه المختار
يسلم تمك يا مختار ، يا مخلص ، منحبك ونحنا وصغار
الله يحمي لنا هالوطن وابن جاري المختار !

قالولي إنك بحينا يا طيب عامل مختار !

بقلم الأستاذ عدنان ح. أبو خليل

   

اخر الاخبار