هيدا الشعب صار الوقت يحاسب !........................ بقلم الأستاذ عدنان ح. أبو خليل
تاريخ النشر : 12-11-2019
هيدا الشعب صار الوقت يحاسب !

بكل ساحة وحارة وجورة
صرخة صوت الشعب صارت إمرة
دمعة عينه صارت جمرة
سرقة ماله صارت عبرة
هيدا الشعب مقابل هيده الزمرة

هيدا الشعب أبدا مانو راضي
عن حكم الضابط والحاكم والقاضي
كل غاصب سلطة بدو يطارد
كل مقاول بالدولة بدو يحاسب
وكل مشارك بالفساد بدو يجاوب
هيدا الشعب صار الوقت يقاضي

هيدا الشعب فاق وصار يطالب
اجى اليوم ، واليوم بدو يحاسب
كسر قيده وصار اليوم محارب
بحقه وماله اليوم صار يطالب

منه وحده بتجي الإمرة
انتفض كله ضد هيده الزمرة
هو السيد ومصدر كل السلطة
هيدا الشعب ديما بدو السترة
بيطلب من ربه العون والقدرة
هيدا الشعب قام ضد هيده الزمرة

نبض حلمه بعده صاحي
هيدا الشعب بعده مكابر
الظلم طال وبعده مقاوم
هيدا الشعب بعده مثابر

هيدا الشعب الطيب صار يطالب
بحقه وماله وبدو عالماضي يحاسب
هيدا الشعب فاق وصار الوقت يحاسب !

بقلم الأستاذ عدنان ح. أبو خليل

   

اخر الاخبار