لوينك رايح يا شعب لبنان............... بقلم الأستاذ عدنان ح. أبو خليل
بين دموع الأطفال والنسوان
ضم بصدرك ، داخل قلبك علم لبنان
وأسأل لوينك رايح يا شعب لبنان
أنت الشعب الطيب والصبر من زمان
بروحك بتتنفس حرية وأمان
وعيش طول عمرك حلمك بإيمان
كيف تنسى الحاضر والماضي إللي كان
وأسأل نفسك لوينك رايح يا لبنان ؟
هدي من روعك وخفف من طبعك وقول هيدا مصير اولادي ببلادي
الروح والمال غالي، بس حفظ الوطن وحضن الوطن أغلى من كل مالي
أبكى دم لتفرج هم بس ليبقى الوطن باقي
وأسأل نفسك لوينك رايح يا لبنان ؟
بقلم الأستاذ عدنان ح. أبو خليل
