ثورة تبحث عن وطن !؟............... بقلم الأستاذ عدنان ح. أبو خليل
تاريخ النشر : 18-11-2019
ثورة تبحث عن وطن !؟

خلقوا ثورة من قلب الثورة
وقالوا انها هي أم الثورة
صارت الثورة جمرة حمرا
نسيوا انه اسمها ثورة حرة
والشعب وحده مصدر امرها
"والسياسة" لما بتدخل فيها بيصير اسمها "قنص" الثورة

هيده ثورة شعب عانى جاع
وصار يئن من الاوجاع
شعب حلمه ضاع وأرضه باع
من كتر سخطه هب متل السباع
على كل مسؤول ضميره ضاع
لما يقول له : هلق روح وبكرا تاع

هيده مش ثورة واحد:
اسس حزب سياسي وبيقبض من برا
هيده مش ثورة واحد:
حاقد همه بس أنه يناقض اي تغيير أو اي فرصة للإصلاح
هيده مش ثورة واحد:
خائن الشعب وتباكى على مصيره بالافراح
بل ثورة شعب يذم ويلعن كل واحد خان
ويصلي ويدعي ع كل واحد ظالم

بوصلة الثورة مش وجهة نظر أو مجرد فكرة
هي كتاب كبير مش عارف المعني من اي صفحة بدو يقرأ
هي قصة طويلة مش عارف المعني من أي رواية بدو يبدأ
هي كذبة كبيرة عمرها مئة سنة وعنوانها وطن !
هي ثورة تبحث عن وطن !؟

بقلم الأستاذ عدنان ح. أبو خليل

   

اخر الاخبار