الوطن كله صار بالحزن مزنر !................. بقلم الأستاذ عدنان ح. أبو خليل
مين اللي بحكمه لسنين وسنين تجبر ؟
مين إللي بحقوق الشعب كل يوم قصر ؟
مين اللي نهب الدولة يوم بعد يوم ما قصر ؟
مين اللي على الفساد نام وكذب وتستر ؟
وزاد الحسرة بقلب كل إنسان معتر ؟
حتى صار الوطن مفلس بالحزن مزنر !
حرقة قلب الشعب بتجاوب أكثر
صرخة صوته بتظهر الصورة أكثر
دمعة عينه بتزيد إصراره اكتر
قبضة غضبه بتشير للظالم اكتر
ضربه وسجنه بتزيد النقمة اكتر
ضد الحاكم اللي بسيفه تجبر وكثر
الوطن كله صار بالحزن مزنر !
هل هيدا كله كان مقدر ؟
هل هيدا كله كان مدبر ؟
والله وحده بيبقى هو الاكبر
بعدما صار الوطن بالحزن مزنر !
(وبزمن الفوضى غير حكم العسكر ما في حل !)
بقلم الأستاذ عدنان ح. أبو خليل
