وأين إللي ؟.................... بقلم الأستاذ عدنان ح. أبو خليل
وين الأمل الحي الباقي فينا
والحضن الجامع اللي يدفينا
يسهر معنا ولما نبعد ينادينا
وين الحلم المزروع وعايش فينا
والهدف السامي اللي بيجمعنا وبيحمينا
ولما ننام ونسهى يرفع صوته ويصحينا
وين إللي تسبب بكل همومنا ومآسينا
اللي حتى بكلمة حلوه ما بيداوينا
ولما نشكي يعذب فينا ويجافينا
وين إللي يسمع صوت صلاة
وين إللي يشوف دمعة جارة
وين إللي يقوم ويقول خسارة
أنه يضيع وطن ويلم حجارة
ويبني مداميك وطن جديد من حارة لحارة !
بقلم الأستاذ عدنان ح. أبو خليل
