ليبقى حلمك رغم الكل ............ بقلم الأستاذ عدنان ح. أبو خليل

تاريخ النشر : 12-02-2020

ليبقى حلمك رغم الكل

ليبقى حلمك رغم الكل
وتعطي فرصة للعدل يحل
ارفع علمك بين الكل
وقول للظالم وقته يفل
ولنور الامل يشمل الكل
سيج وطنك بورد وفل
ليبقى حلمك رغم الكل !

شغل الشاغل بيبقى عن الكل
كيف الفاسد عن حده يحد ؟
وجمع الشمل الشعب يضم الكل
وبحب الوطن الواحد وحده يجن
وبولائه وإنتمائه اعتباره فوق الكل
ولما يبعد عن الوطن كل لحظة يحن
ليبقى حلمك راسخ رغم الكل !

كل شيء ضاع ومعه الكل
ودقنا خسارة وفوقها طعم الذل
نظره وحده تحمل شكوى الكل
حكم الظالم اجى وقته وحله يفل
ليبقى حلمك صاحي رغم الكل !

انت الأغلى بتبقى بين الكل
يا جندي بلادي وين ما تحل
انت بتجمع الكل يعني الكل
خير الارض بثمارها لما تزرع
والارزه فوق راسك بترفع راس الكل
يا فرحة عمري لما بسمع
حلمك راسخ رغم الكل !

بقلم الأستاذ عدنان ح. أبو خليل