كلامك كلام، كلامك عسل! - بقلم الأستاذ عدنان ح. أبو خليل
تاريخ النشر : 26-02-2020
إبن البلد صلب وحنون من يوم تولد
مؤمن عنيد ما بينحني الا لربه اللي خلق
قلبه رقيق ، طيب بسيط متل الولد
تاريخه عز وفخر ، وصمود وصبر
وحبه للحياة رغم العذاب والقهر
بروحه بيفدي وبيحمي تراب الأرض
إبن البلد ، حلم وامل مع إصرار وعمل

وبيعرف ابن البلد كل واحد حقير "باعه" طويل نهب البلد
والشعب كان الضحية، واليوم صار الاسير
وبرغم الكآبة بيبقى الامين وبضل يحب البلد
وعده شرف ووفى مهما الزمن عليه انقلب
هيده الصفات المخلص متل الدهب الخالص ، إبن البلد !

وبرايه، اليوم نحنا بزمن التضحية لإنقاذ الوطن
بزمن الاعتراف بأخطاء الماضي وطلب الغفران
ولنثبت لأنفسنا أولاً وللعالم باننا نستحق الافضل
وإذا فشلنا، لازم نموت ونحنا عم منحاول !

كلامك كلام ، كلامك عسل
يا اصيل انت ، يا إبن البلد !

كل شيء يروح بس يبقى البلد
بعد اللي صار شو بينفع الندم
كلمات ديما بيرددها إبن البلد
بوسط الالام بيقول: أنا شفت الامل !

كلامك كلام ، كلامك عسل !
يا اصيل انت ، يا إبن البلد !

   

اخر الاخبار