بعيد الأم : بحبك يا كل ام بصور!..................... بقلم الأستاذ عدنان ح. أبو خليل

بعيد الأم : بحبك يا كل ام بصور !

بحبك يا صور !
ولما بسمع إسمك نبضات قلبي بتثور
ومن وهج حبي ببعث لك شعاع ونور
وبقول: بحبك يا صور !

يا مصدر كل فرح بالقلب مستور
حبات رمل شط بحرك حروف نور
وتاريخك هدية حب للمعمور
بحبك يا صور !

يا كل ام فيكي بركة ورحمة وإيمان ونور
كل أم فيكي أمي فيكي بشوف وحول الكعبة بطوف وبقول :
"عيد أم سعيد يا اغلى امهات عقلبي بهالوجود ! "
وبفرش لكم بكل خطوة بدربكم ورود
وكل ورده ومعها بسمة بتقول:
"بحبك يا كل أم بصور ! "

يا لوعة قلبي لو بقدر احضن امي وقول :
بحبك يا امي وكل أم بصور
صورتك بقلبي يا امي ما بتزول ومعها صورة صور
بحبك يا صور !
وكل أم فيكي بركة ورحمة وإيمان ونور !

كل عيد ام وأمهاتنا جميعاً بخير !
شكرا أمي !

بقلم الأستاذ عدنان ح. أبو خليل