لما تسمع كلمة ' صور' .. بقلم الأستاذ عدنان ح. أبو خليل
تاريخ النشر : 16-06-2020
بقلم الأستاذ عدنان ح. أبو خليل
لما تسمع كلمة " صور"

ما في متل أهلها بتقول
لما تسمع كلمة "صور"
لف الدنيا والسبع بحور
مهما تبرم ومهما تدور
ما في متل طيبة.. أهل صور!

تبقى صورتهم ديما بالبال
الكنيسة والجامع والحارة والدير
واحة حب ومربض خيل
اهل الطيبة واهل الخير
الشعب الصابر داق الويل
ما في متلهم اهل "صور"!

الورده لما تدبل ريحتها بتضل تفوح
رغم الشوك ورغم الدموع
هي النسمة اللي بترد الروح
رغم القهر ورغم الجوع
هي البصمة اللي ما بتروح
رغم الماضي اللي ما له رجوع
هي الحب اللي بيساوي الروح
رغم الآلم ورغم الجروح
شعبها طيب وين ما يروح
هيدا هو إبن صور
لما إسمع كلمة "صور"!

القمر بيساءل وين بكون؟
لما بسمع كلمة "صور"
بيعرف انه حبي جنون
ولما بسمع كلمة "صور"
قلبي يحن ودمي يفور
لما إسمع كلمة "صور"
قلبي بيفرح عمري يطول
اطيب سمكة حرة وآكلة فول
اطيب شعب وجوههم كلها نور
لما إسمع كلمة "صور"!

   

اخر الاخبار