ع العيد بشوفك 'بصور '! بقلم الأستاذ عدنان ح. أبو خليل
ع العيد بشوفك "بصور"!
قالت البنت للشب
الشمل بكرا بيلتم
مش وحدي ناطرة ع الباب
بإحساسي وفرحي المدفون
من حولي كل الأحباب
اجوا ليقولوا مبروك
بتيابي وعطري الخلاب
وبحبي وشوقي المكتوم
وقلبي اللي بحبك داب
وروحي اللي بدها تطير
وعيوني المليانة عتاب
ع العيد بشوفك "بصور"!
قالت البنت للبي
مشتاق شوفهم بالبيت
أحضنهم وقول لن خي
لستي وعماتي والخال
وأرقص معهم بالحي
وغني وقول لها بحبك
"لصور" اللي هي أمي
أهل التعايش والحب
أهل الكرامة والنبل
أهل الإيمان والزهد
أهل التاريخ والحلم
أهل البساطة بالعمق
واحمل دموعي هدية
للشعب الحامل القضية
وبقلبي مية المية!
وع العيد بشوفكم "بصور"!
عيد أضحى مبارك لأحلى الناس!
