المأساة في الاردن في ابشع صورها: الضحايا الى 21 غالبيتهم من الاطفال والاهالي ينعونهم بكلمات مؤثرة
المصدر : تواصل اجتماعي تاريخ النشر : 26-10-2018
ارتفعت حصيلة ضحايا كارثة السيول في الأردن إلى 21 حالة وفاة، غالبيتهم من الأطفال نتيجة السيول التي جرفت حافلة مدرسية.
وبكلمات مؤثرة نعت أم ابنها الذي قضى وتناقل نشطاء كلماتها، حيث كتبت:
"كنت خايفه عليك من البرد حكتلك خود معك جاكيت تغير الجو، بس ما كنت عارفه انه برد التلاجه وصقيعها اللي رح تنام فيه اليوم...كل النار اللي بقلبي ما رح تدفيه، تلاجه بارده، معتمه، و انت بتخاف من العتمه كتير.
وتابعت "أنا لسا عم بستناك. السما اليوم بكيت عليك كتير بس انا لسا ما بكيت انا عم بسمع الباب بيدق و عم بسمع صوتك و انت بتنادي علي و بتقلي يما رجعت! انا بوعدك اليوم لو رميت شنطتك بنص الدار و دخلت ببوطك اللي كله طين علسجاد ما رح اصرخ عليك، اليوم انت كنت طالع تنبسط و انا مسامحتك لو شو ما تعمل بس خليني أشم ريحتك و أتطلع بعيونك اللي بتوزع علدنيا كلها فرح.
انت تأخرت كتير انا و اخوتك و ابوك علشباك بنستناك الدنيا برد و عتمه، صوت قلوبنا اللي بتصرخ و بتناديك أقوى من صوت كل العواصف اللي بره، سامعنا يا حبيبي احنا عم نستناك، طولت كتير"

   

اخر الاخبار