Javascript DHTML Drop Down Menu Powered by dhtml-menu-builder.com



على طريقتنا .... عذراً يا عيد وكل عام وأنتم بخير


خليل بواب :: 2013-10-15 [02:00]::


" عذراً يا عيد " .....
من قبل ما يكونوا البشر بدل الخواريف مذبوحين … ومن قبل ما يكونوا بالدين متاجرين … ومن قبل ما يفرقونا بفتاوي المفتين … أيام ما كان العيد عيد ولما كانوا الناس بقدومو مبتهجين … لما كانوا يحجوا إرضاء لرب العالمين …ولما كانوا المشايخ بالخمس والزكاة الفقير مسامحين … ولما كانوا المعرّفين الحجاج راحمين … ولما كانت العيله بالعيد مجمعين … ولما كانت صلة الرحم من أصول الدين … ولما كانوا الأخوة متحدين … والأهل بالمحبة متماسكين … ولما كان الجار للجار الحارس الأمين … ولما كانوا البنات والصبيان بالمراجيح مبسوطين … وعلى قبر بنت الملك مكزدرين … وبلعب الغميضة فرحانين … ربحانين أو خسرانين ، معيدين … ولما كانوا الصغار من السعادة طايرين … ولما كان الكبير والزغير الإحترام متبادلين … بأيامها كان العيد عيد والناس بعض مقدرين … عذزاً يا عيد صاروا الكل عليك متآمرين … وعلى وقفة عرفة مختلفين … وعلى الوتر الحساس ضاربين … و عيد عيدك مسيسين … وإتجاه القبلة مضيعين … صاير يا عيد على قول فيروز ( تعا ولا تجي ) كلنا فيك مش شاعرين … و بحقك مقصرين … المشايخ عليك مسمسرين … والمعرفين فيك متاجرين … عذراً يا عيد ... الحجاج اللقب عابدين … و الإخوة صلة الرحم قاطعين … الأهل بعضون حاسدين … و بالأتراح و الأفراح مفرقين … والجيران الجيرة كارهين … وبعض مستغيبين … والبنات والصبيان بالإسم معدين … بدنا نعيد كل اللي بالبؤس عايشين … و من بيوتون مشردين … و بحياتون مظلومين … و بقلوبون محزونين … بدنا نعيّدكون وكلنا أمل بفرج رب العالمين … وبتنتصروا على الظالمين … وبترجعوا على بيوتكون سالمين … بدنا نعّيد يللي بعيشتون معدومين … وبدنا نسأل أصحاب الملايين … على شو أموالكون صارفين … وين الضمير عقولكون مسكرين … وشهواتكون فاتحين … تذكروا انكم على القبر نازلين … وبالاخرة محاسبين … بدنا نعيد الفقراء … بدنا نعيد المحتاجين … بدنا نعيد المنسيين … بالعيد بدنا نعزي المفجوعين … عذراً لكم أجمعين … ما طالع بإيدنا غير الكلام والدعاء … وما إلكون غير رب إسمو كريم … ولعنة الله على الظالمين .
كل عام وانتم بخير وأضحى مبارك لكم وللجميع....


New Page 1