جندي بلادي عيش فينا !.......... بقلم الأستاذ عدنان ح. أبو خليل
متل خيالنا ، سكن معنا وعيش ديما فينا
على شعاره" شرف ، تضحية ، وفاء " نحن ربينا
وعلى حبه اللي بقلوبنا متل الورد كل يوم سقينا
من اللحظة الأولى لما كلنا على الدنيا وعينا
أنت الامل الوافي الراسخ فينا
أنت بقرب المرسى وحد المينا
برغم كل العيوب الموجودة فينا
وبحقك نحن الشعب عليك قسينا
يا جندي بلادي انت منا وأنت فينا
حبك معنا مهما بعدنا ومهما كلنا شقينا
أنت الغصن الأخضر والقلب الأطهر فينا
" خدمة العلم " عيشة معنا مهما كبرنا
ذكرى تضوي كل مره على الحاجز جندي شفنا
من كتر حبه قلبي بيحن وصدري بيدفا
وقلبي دقاته تزيد ومن أحزانه للحظة بيشفا
لما بنادي بلهفة : "يعطيك العافية وطن ! "
والدمعة من عيني تشق وبين جفوني بتغفا
بسمة من وجه جندي بلادي كل الدنيا بتسوا
هيدا اللي للوطن أعطى عمره وحلمه وبعده بيسخا
جندي بلادي هدية من ربي وأثمن رزقا
وافضاله عن بال حدن منا ما بتسها
وبيبقى حب الوطن ما له حدود وما له حد
وجندي بلادي برغم ظروفه وقف سد
وعن الحاجة بعزمه وإيمانه عنده الرد
حب الوطن ما له حدود وما له حد
واليوم ، بعد مئة سنة على وجوده، صبر الوطن زاد وامتد
وباعلى صوته جندي بلادي قالها تدوي متل الرعد :
لبنان جبينه عالي ، ووطني ديما على حق !
