تلاتين سنة ما بتكفيش! بقلم الأستاذ عدنان ح. أبو خليل

بقلم الأستاذ عدنان ح. أبو خليل
تلاتين سنة ما بتكفيش!

تلاتين سنة ما بتكفيش
بدها بعد more تفحيش
تعودوا على التحشيش
سرقة وتشليح وتشبيح
تلاتين سنة ما بيكفيش

واقف على مزبلته يصيح
الإرث البائد بدو يعيد
يركب على بساط الريح
أسطورة بفصل جديد
تذكر كل تاريخه مليح
أمجاد من أكياس الرمل
بطولات من طواحين الريح
إنجازات ما بقى بالبلد شب
واقف على مزبلته يصيح

يا اللي بجسمك ما في دم
الله يبعت لك مية هم
الشعب ناطر ليجمك جم
يدعي ويصلي ويذمك ذم

الله يبعت لك مية هم
واقف على مزبلة يصيح
الإرث البائد بدو يعيد
ويقول ما بايدي نقطة دم
وما لي خصة وما لي ذنب

من الأم اللي عيونها مليانة دموع
من البي اللي كل نهاره مقهور
من الشاب اللي أحلامه قدامه بتموت
من البنت اللي بدها لتنام حبوب
من الطفل اللي بيبكي وحليبه مفقود
من الشعب العيش بالذل
من الناس اللي كلها بتئن
بدها منك بس تفل
والله يبعت لك مية هم

واقف على مزبلته يصيح
الإرث البائد بدو يعيد
تلاتين سنة ما بيكفيش
بدو بعد ... وبدو يزيد!
والله يبعت لك مية هم!