يا ريت مش مجرد كلمة وبتنقال ! ..... بقلم الأستاذ عدنان ح. أبو خليل
"يا ريت" بتعكس شعور واحساس
"يا ريت" مش مجرد كلمة وبتنقال !
-----------------------------------_
"يا ريت" عينك بتشوف
ياللي بتشوفه عيني
وبتعرف قداش الفرق
بين الدنيا البعيدة وبيني
الغيرة بنفسك بتزيد
والدمعة من عينك بتفيض
الحسرة بقلبك بتعيد
ذكرى الماضي البعيد
"يا ريت" عينك بتشوف
ياللي بتشوفه عيني !
-----------------------------------_
كلمة " يا ريت" هي حكاية شعب وحلمه الموعود
اللي تحولت نغمة شعبية معزوفه عالعود
بتغيب لحظة من سجل تاريخ الوطن وبتعود
ومعها عتمة الليل وسوادها ليسود
"يا ريت" بتعكس شعور وإحساس
مش مجرد كلمة وبتنقال !
------------------------------
كلمة "يا ريت" اكتر من شعور وإحساس
دخلت بقوة بقاموس حتى الاطفال الصغار
بعدما صارت حدود المعاناة بحجم الوطن بينقاس
بظل غياب "المسؤول" اللي عيش حالة إنكار
واللي بالاصل تسبب بالوضع الشبه الميؤوس
ليبقى الشعب أقرب من اي لحظة ليثور !
بقلم الأستاذ عدنان ح. أبو خليل
