دموع رابعة الزيات تخونها خلال مقابلة: "الماما كانت عارفة اني بنتها بس ما عارفة اسمي"

تحدّثت الإعلاميّة رابعة الزيّات بتأثّر، عن مرض والدتها الراحلة بـ"الزهايمر"، وقالت "هو مرض كتير قاسي على أهل المريض".

وأضافت الزيّات والدموع في عينيها: "الدني امّ، وهيدي الدني عم تتلاشي شوي شوي، هيدي الدني عم تخسريها، وكلّ يوم عم تخسر أجزاء منها وانتي عم تشوفي كيف عم تخسرن، والماما كانت بصور بالجنوب وأنا ببيروت".

وتابعت: "كل ما اطلع لعندها شوف شي نقص بماما وانفقد".

وقالت الزيّات: "كانت تعبطني وتطلع فيي، وهي عارفي انو انا بنتها، بس ما عارفي اسمي".