اسعد رشدان يتحدث عن " 3 وهلات " اكلها على طريق المطار
لمن قلع من المنطقة الشرقية ما بخاف، ولمن كون بالمطار ما بخاف لانو فيه العميد كفوري، بس لمن ادعس ع طريق المطار بموت رعبة.
اخر مرة ما كنت بدي جيب مرتي من المطار بس ساقبت طيارتها الساعة 12 بالليل ، قلت ما رح يشوفوني، عملت خطة بتلفنلا لمرتي وبقلا انا ناطرك بالموقف بس تضبي غراضك وتصيري عالطريق حكيني، بطلع من الموقف انا وبحطا بالسيارة وبطير ، وبالليل ما حدا عم يشوف!!
وصلنا ع اول سليم سلام كان في توليع دواليب وبلشت الرعبة ، بعد شي 500 متر كان فيه شي الف موتوسيكل جايين من طريق المطار، رجعنا وصلنا لقينا الجيش مسكر الحاجز، يعني 3 رعبات بأقل من نص ساعة.
المذيع: يعني ما حدا تعرضلك
رشدان: لا ما حدا تعرضلي بس اكلت 3 رعبات بسببن
