الوطن الغالي وجيشه الأغلى... الأستاذ عدنان ح. أبو خليل
نق له من روحك الحب الأسمى
وأقطف له من السما النجم الأعلى
وقدم له من نفسك من الغالي الأغلى
وغنى له من قلبك بالصوت الأحلى
وإدع له ديما اوعى تستنى
للوطن الغالي وجيشه الأغلى !
إمسح عن أرضه لون الدم الأحمر
وإفرش بدربه السجاد الأحمر
إسحب من عينه أثار اللون الأحمر
وإهديه ورده باللون الأحمر
إختم على أحزانه بالشمع الأحمر
وإشلح على كتفه شال الفرح الأحمر
هيدا اللي قدامه بيمتد البحر الأزرق
هيدا اللي حول حدوده جبال الثلج الأبيض
هيدا اللي فوقه ضو السما الأصفر
هيدا اللي بعلمه وبجباله الأرز الأخضر
قدم له حتى ينسى هالزمن الأسود
قدم للوطن بعيد جيشه آخر وأجمل بسمة بآخر لحظة بعمرك
وأطلب منه يغفر ذنبك ويقبل عذرك
بوس ترابه ، وأحفظ دينك وأشكر ربك
بين الشعب الواحد ما بيفرف ولا بيميز
بقلب الكل إله صدى وأخذ حيز
هيدا جيش الوطن إللي كله منا
بيحمي الأرض وبيدافع عنا
لحمه ودمه بيقدم إلنا
بوس الأرض اللي بيمشي منها
جيش الوطن هيدا كله منا !
قدم له من الغالي الأغلى
وأقطف له النجم الأعلى
وغني له قلبك بالصوت الأحلى
وادعي له بعيده اوعى تستنى
للوطن الغالي وجيشه الأغلى !
