الصحافي بيار ابي صعب رداً على بهية الحريري: عيب يا حجة!
الصحافي بيار ابي صعب رداً على بهية الحريري: عيب يا حجة!
واحد بيصرلو يرجع عبيتو بيقول لا، وبيقعد عند العالم؟
ولو كانوا اهل واعزاء واصحاب نخوة وجود وحسن ضيافة،
ومن طينة وطنية تعطى قدوة لكل الشعب اللبناني…!
قادرين يرجعوا عبيوتهم وضيعهم؟ هوني السؤال!
هلق صيفية، بيروحوا بالويك اند بيشقّوا على ما تبقى، وبيكزدروا بين الأنقاض…
الله يكون بعونهم، ويحيي صمودهم وبطولات ولادهم!
بس ما بنعرف إذا مقومات العيش الطبيعي متوافرة بالحد الادنى، ليرجعوا على طول، يسكنوا، ويريحوك منهم! الناس بصيدا تحملت كتير كتر خيرها!
معليش طولي بالك، ربنا بيحسبلك اياهم بالآخرة…
ارفض ان افكر انو شي "ابو عمر" باعتك لترمي سموم الفـ.تنة، لا سمح الله! غير ممكن، وغير معقول! بس كلامك هيدا مفعوله بالآخر: تحريض على النازحين، من دون قصد طبعاََ! لا اصدق، ولا لحظة ان هذا مقصود! هذا غير وارد، كلنا ثقة فيك واحترام إلك يا سعادة النايبة! الله يرجعلنا الشيخ سعد بخير لنخلص جميعاََ من هالقرف على الساحة السياسية اللبنانية!
