بعد زيارة الرئيس عون للنبطية... رئيس إتحاد بلديات الشقيف النبطية يكشف تفاصيل حديثه مع رئيس الجمهورية

كتب رئيس إتحاد بلديات الشقيف النبطية الأستاذ خالد بدر الدين ما دار بينه وبين الرئيس عون خلال زيارته الصباحية اليوم:

كنت ناطِر ردود الفعل على زيارة فخامة الرئيس... وكنت أصلاً متوقعها.

اللي بيعرفني بيعرفني، واللي ما بيعرفني: أنا ما بجامل على حساب كلمة الحق.

ونحنا وطالعين عالدرج قلتلو:

"فخامة الرئيس، بدك تواخذنا... مكاتبنا متواضعة، نحنا طالعين من حرب"

رد عليّ وقال: "بيّي كان عسكري، ومُتعود أقعد عالأرض".

ومتل العادة، بكل لقاء مع الوزراء والمسؤولين والدوليين، بضل شدّد على شغلتين:

الإعمار والتعويضات للناس.

لأنو شو بينفعنا طريق ومي وكهربا... إذا ما في بيت؟

وزدت: "نحنا منتمنى ما ينربط هالملف بملفات إصلاحية كبيرة ومعقدة، بس تا نهرب من الإعمار".*

*وللأمانة تفاجأت.*

ونحنا وضاهرين، الرئيس قرّب لعندي وقلّي:

*"بخصوص الإعمار أنا حكيت مع الأميركان. وطلبت ما نربط التعويضات بملفات مكافحة الفسـ.اد. وقلتلن إذا مش واثقين فينا، كلّفوا شركات خاصة وهيي تتولى الموضوع".*

الرئيس كان كتير إيجابي. مستعد يسمع الكل، يستقبل الكل، ويساعد الكل قد ما بتسمح الإمكانيات.

*بغض النظر عن توقيت الزيارة...*

حالة "رفض الآخر" رح تغرقنا لتحت.

ما بيكفي مش عم نساعد بعض، صار بدنا كمان نمنع اللي بدو يساعدنا؟

كفانا جلد ببعضنا.