الشاب الجنوبي عبد الله عباس يروي بكلمات مؤثرة اللحظات الأخيرة قبل تدمـ.ير منزله في بلدة زوطر الشرقية
الشاب الجنوبي عبد الله عباس يروي بكلمات مؤثرة اللحظات الأخيرة قبل تدمير منزله في بلدة زوطر الشرقية، بعدما أبقته كاميرات المراقبة على اتصال ببيته طوال 9 أشهر، ليشاهد بعينيه الجرافة وهي تصل إلى سور منزله:
«تخيّل إنك عم تشوف بيتك ورزقك، يلي تعبت وشقيت فيه، عم ينجـ.رف قدّام عيونك هيك!
بسبب وجود الطاقة الشمسية، ضلّ الإنترنت شغّال بالبيت، وكنت عم تابع الكاميرات من 9 أشهر. وقبل تدمير البيت بيوم، صار تفجير بالحي وانقطعت الكاميرات، وعرفت إنو وصلوا لعنا، وكنت أصلاً عامل حسابي لهالنهار.
كنت قاعد بالقهوة أنا ورفقاتي، وإجا حدا خبرنا إنو كان عم يصوّر بكفردجال، وإنو الإسرائيلي عم يتحرّك بآلياته بمنطقة الحمرة بزوطر الشرقية.
بالصدفة، فتحت الكاميرات لشوف إذا رجعوا اشتغلوا، وفجأة شفت الجرافة على تصوينة البيت قدّام عيوني! وبعدها عرفنا إنو صار تفجير بالحي، والظاهر إنو فاتوا على البيت وفجّروه».
"الجزيرة"
